رسالة أحمد الفيشاوي لابنته «لينا»: «هند الحناوي حطت فلوس مدرستك في جيبها»

0

تحدث الفنان أحمد الفيشاوي عن ابنته لينا من طليقته هند الحناوي، موضحًا أنه لم يهمل الابنة، منذ طفولتها وكان يتكفل بالإنفاق على احتياجتها ومصاريفها الدراسية، موضحًا أن والدتها هي من قررت نقلها إلى مدرسة خارج مصر، وظل يلتزم بالمصاريف، حسب روايته، حتى نقلتها «الحناوي» إلى مدرسة ثانية دون الرجوع للأب، لذا حاول «الفيشاوي» بث رسالة لابنته للتأكيد على أنه لم يهملها يومًا.

وقال «الفيشاوي» عبر «انستجرام»: «النهارده هند الحناوي فشلت أنها تحبسني سنة بمعرفة بنتي لينا، ده الوقت أني أقولكم اللي حصل باختصار، أنا بشوف لينا من وهي عندها ٣ سنين بعد ما المشاكل خلصت بيني بين مامتها وبالتالي كنت بصرف على أكلها وشربها وهدومها ومدرستها الكندية في مصر».

وتابع: «هند فهمتها عكس كده بس أنا عندي ما يثبت ذلك، لما لينا تمت ١١ سنة، هند اقترحت أننا نوديها مدرسة خاصة في لندن لتدريس الفنون من غناء وتمثيل وإخراج.. إلخ، تحمست جدا عشان كنت شايف فيها موهبة كبيرة.. قدمت في المدرسة ووافقت على السفر، وأول ما هند وصلت بلينا إنجلترا نقلتها من المدرسة إلى مدرسة (كِنت)، وهي مدرسة مش تخصصها الفنون وبمصاريف أقل بكتير».

واستكمل: «حطت فلوس مدرسة بنتي في جيبها وأيضا عندي ما يثبت ذلك في الوقت المناسب، أنا مش بالوم على لينا علشان هما كذبوا عليها كتير وغالبا هي هتشوف الصور دي ويمكن تفتكر أني كنت موجود عشانها وبحبها وما زلت»، وفي نهاية الكلمات لفت إلى حكم محكمة جنح مستأنف الدقي، بإلغاء حكم حبسه لمدة سنة.

يذكر أن محكمة جنح مستأنف الدقي في الجيزة، اليوم الأربعاء، ألغت حكمًا بحبس الفنان أحمد الفيشاوي، لمدة سنة، بتهمة الامتناع عن سداد نفقة ابنته «لينا»، وقضت المحكمة بالبراءة. وكانت محكمة أول درجة، في يناير الماضي، أصدرت برئاسة المستشار حسام الدين البدوي، حكما بمعاقبة الفيشاوي بالحبس لمدة سنة، في جنحة الامتناع عن تنفيذ أحكام نفقات وأجور، أقامها ضده المحامي شعبان سعيد، وكيلًا عن ابنته «لينا». كما شمل الحكم إلزام الفيشاوي بدفع كفالة قدرها 2000 جنيه، وتغريمه 500 جنيه، وإلزامه بدفع 20001 جنيه على سبيل التعويض المدني.

النهارده هند الحناوي فشلت أنها تحبسني سنه بمعرفة بنتي لينا .. ده الوقت أني أقولكوا اللي حصل بأختصار .. انا بشوف لينا من و هي عندها ٣ سنين بعد ما المشاكل خلصت بيني و بين مامتها و بالتالي كنت بصرف علي أكلها، شربها ، هدومها و مدرستها الكنديه في مصر .. هند فهمتها عكس كده بس انا عندي ما يثبت ذلك .. لما لينا تمت ١١ سنه هند أقترحت أننا نوديها مدرسه خاصه في لندن لتدريس الفنون من غناء ، تمثيل ، أخراج .. ألخ تحمست جدآ عشان كنت شايف فيها موهبه كبيره .. قدمت في المدرسة و وافقت علي السفر .. و أول ما هند وصلت ب لينا أنجلترا نقلتها من المدرسة و من لندن الي كِنت ( Kent ) لمدرسه مش تخصصها الفنون بمصاريف أقل بكتير و حطت فلوس مدرسة بنتي في جيبها و أيضآ عندي ما يثبت ذلك في الوقت المناسب … انا مش بالوم علي لينا علشان هي كذبوا عليها كتير و غالبآ هي هتشوف الصور دي و يمكن تفتكر أني كنت موجود عشانها و بحبها و مازلت.

قضت محكمة جنح مستئانف الدقي بجلسة اليوم بالغاء حكم حبس الفنان احمد الفيشاوي لمدة سنه والقضاء مجددا ببرائته في قضية امتناعه عن تنفيذ حكم النفقه.

قد يهمك أيضا |

اترك تعليق

يرجي التسجيل لترك تعليقك

شكرا للتعليق